Sambodan álem chempıonaty: Jalpy komandalyq esepte Qazaqstan quramasy ekinshi oryn aldy
NUR-SULTAN. QazAqparat - Ózbekstan astanasy Tashkent qalasynda ótken sambo jáne jaýyngerlik sambodan eresekter arasyndaǵy álem birinshiliginde qazaqstandyq sportshylar jalpy komandalyq esepte ekinshi oryn aldy, dep habarlaıdy QazAqparat tilshisi.
Dúbirli dodada jigitterde Jańanıet Rahat (64 keli) men qyzdar arasynda Gúldana Álmuhanbetova (54 keli) altynnan alqa taqty.
Jaýyngerlik samboda Mádı Raıhan (98 keli) kúmis júldege ıe boldy. Al qyzdarda Ajar Salyqova (65 keli), Dildash Quryshbaeva (72 keli) ekinshi orynǵa taban tiredi.
El quramasynan Bolatbek Raıymqulov (58 keli), Aıdyn Dartaev (79 keli), Núrken Dombaev (58 keli), Ádilbek Seıisov (64 kg), Ýmar ıAnkovskıı (88 keli) qola júlde aldy.
Dúbirli doda 12-14 qarasha aralyǵynda ótti. Oǵan álemniń 50 memleketinen balýandar keldi. Týrnır tarıhynda alǵash ret 7 salmaq dárejesinde júldeler sarapqa salyndy.
Aldaǵy álem chempıonaty 2022 jyly Túrikmenstan astanasy Ashǵabat qalasynda ótkiziledi.
