Sambodan ÁCh: Qazaqstan quramasy qansha medal aldy
ASTANA. QazAqparat - Býharest qalasynda sambodan eresekter arasynda márege jetken álem chempıonatynda Qazaqstan quramasy qos altyn, bir kúmis, úsh qola júldege ıe boldy, dep habarlaıdy QazAqparat tilshisi.
Jarystyń sońǵy, úshinshi kúni qos birdeı balýanymyz áskerı sambodan júldege ilikti. 68kg salmaqta Nurgeldi Qııalbekov fınalǵa deıin qamshy saldyrmaı jetti. Nurgeldi sońǵy básekege shyqpaǵandyqtan, chempıondyq ataq reseılik Sheıh-MansýrHabıbýlaevqa berildi.
Sondaı-aq, 52 kg salmaqta Núrken Dombaev qola júldege qoljetkizdi.
Eske sala keteıik, jarystyń alǵashqy kúni BQO ókili Nurbol Serikov sambodan 68 kg salmaqta chempıon atansa, taǵy bir qazaqstandyq Serikjan Túsipov (57 kg) áskerı sambodan qola júldege ıe boldy.
Sodan keıin senbi kúni Batys Qazaqstannan barǵan Temirlan Ihsanǵalıev 82 kg salmaqta áskerı sambodan jeńis tuǵyryna kóterildi. Áıelder arasynda Gúlnur Erbolova (52 kg) ǵana júldegerler qatarynan kórinip, úshinshi oryndy ıelendi.
Chempıonat qorytyndysynda medaldar sany boıynsha Reseı quramasy áıelder men erler arasynda, sondaı-aq áskerı sambodan kósh bastady. Qazaqstandyqtar áskerı sambodan Reseı men Ýkraınany alǵa salyp, úzdik úshtikti túıindedi.
