Sambo: Japonııada ótip jatqan álem chempıonatynda Qazaqstan quramasy qos qola júldeni ıelendi
ORAL. QazAqparat - Japonııanyń Narıta qalasynda sambodan eresekter arasynda 21-23 qarasha aralyǵynda ótip jatqan álem chempıonatynyń alǵashqy kúni Qazaqstan quramasy qos qola júldeni ıelendi.
Halyqaralyq sambo federatsııasynyń resmı saıtynan alynǵan málimetke qaraǵanda, birinshi kúni toǵyz salmaq dárejesi boıynsha medaldar sarapqa salyndy. Ókinishke qaraı, sporttyq sambodan áıelder arasynda 48, 60, 72 keli jáne erlerden 52, 68 jáne 90 kelide qazaqstandyqtardan eshkim júldege ilige alǵan joq. Tek áskerı sambodan ǵana 57 kelide Oleg Ýdod, 74 kelide Ańsaǵan Qusaıynov úshinshi orynǵa kóterile aldy.
Búgin álem birinshiligi jalǵasady. Batysqazaqstandyqtar 57 keli salmaqta kilemge shyǵatyn sambodan álemniń tórt dúrkin chempıony Erbolat Baıbatyrovtan úmit kútedi.
