Sambo: Máskeýdegi týrnırde qazaqstandyqtar 8 júlde aldy
ORAL. QazAqparat - Máskeý qalasynda sambodan márege jetken «Harlampıev memorıaly» álem kýbogy jarysynda qazaqstandyq balýandar segiz júldege ıe boldy, dep habarlaıdy QazAqparat tilshisi.
Halyqaralyq sambo federatsııasynyń saıtynan alynǵan málimetke qaraǵanda, osy kúres túriniń negizin qalaýshylardyń biri Anatolıı Harlampıevti eske alýǵa arnalǵan týrnır bıyl 35-inshi ret uıymdastyryldy.
Sambo kúresiniń 80 jyldyǵy aıasynda ótken aıtýly dodaǵa álemniń 28 elinen 300-den astam balýan qatysyp, baq synady.
Qazaqstan quramasynan áıelder arasynda Aqqal Ótebek 60 kg, Aıjan Jylqybaeva 48 kg, sondaı-aq sporttyq sambodan Baǵlan Ibragım 52 kg, Parasat Jumabaev 62 kg, Ǵalymjan Ábdirahmanov 74 kg salmaqta kúmis júldeger atandy. Olardyń bári de fınaldyq beldesýde reseılik sportshylarǵa ese jiberdi. Áskerı sambodan Qýanysh Aıazbaev 90 kg salmaqta úshinshi orynǵa ilikti.
Batys Qazaqstan oblysynan barǵan Baǵdat Jarylǵasov sporttyq sambodan 68 kg salmaqta qola júldege ıe boldy. Onyń alǵashqy bapkeri - marqum Qazbek Ibrashev. Oǵan qosa áskerı sambodan Qazbek Supyǵalıev sońǵy synda reseılik Sergeı Razınnen utylyp, kúmis medaldi enshiledi. Onyń birinshi jattyqtyrýshysy - Baımolla Qubashev.
Kóptegen dodalarda báıge alyp júrgen bul palýandardyń ekeýi de qazir Qazaqstannyń eńbek sińirgen jattyqtyrýshysy Raıbek Meńdiǵalıevtiń qolastynda jattyǵady.
