Sambo: qazaqstandyq G.Turmahanova álem chempıony atandy
ORAL. QazAqparat - Japonııanyń Narıta qalasynda ótip jatqan eresekter arasyndaǵy álem chempıonatynyń ekinshi kúninde Qazaqstan qorjynyna altyn medal tústi.
Halyqaralyq sambo federatsııasynyń resmı saıtynan alynǵan málimetke qaraǵanda, 52 keli salmaqta áıelder arasynda qazaqstandyq Gaýhar Turmahanova chempıon atandy. Ol fınalda reseılik Anna Harıtonovadan basym tústi. Sondaı-aq jarystyń ekinshi kúni erlerden qazaqstandyq Asylbek Álkeı 74 keli salmaqta qola júldege ilindi. Áskerı sambodan Rýslan Aýshev 100 keliden joǵary salmaqta taǵy bir qola júldeni enshiledi.
Álem chempıonaty erteń márege jetedi.
