Sambo federatsııasy osy kúres túrin Olımpıadalyq dep taný týraly ótinish berdi
ASTANA. QazAqparat - Sambo osy ýaqytta-aq Eýropa jáne Azııa oıyndary, Ýnıversıada men «Sportakkord» Búkilálemdik jekpe-jek oıyndary sııaqty iri halyqaralyq jarystardyń tizimine kirgizilgen, dep habarlaıdy QazAqparat TASS agenttiginiń málimetterine silteme jasaı otyryp.
Halyqaralyq sambo federatsııasy seısenbi kúni (FIAS) Halyqaralyq olımpıada komıtetine (HOK) sambo kúresin olımpıadalyq sport túri dep taný týraly ótinish túsirdi. Bul týraly Reseı Federatsııasy prezıdenti janyndaǵy Dene shynyqtyrý men sportty damytý jónindegi keńestiń májilisinde Jalpyreseılik sambo federatsııasynyń prezıdenti Sergeı Elıseev málim etti.
«Seısenbi kúni HOK uıymyna sambony olımpıadalyq sport túri den taný týraly ótinish berildi. Sambo Eýropa jáne Azııa oıyndary, Ýnıversıada men «Sportakkord» Búkilálemdik jekpe-jek oıyndary sııaqty iri halyqaralyq jarystardyń tiziminde bar»,-dedi Elıseev.
Aıta keteıik, sambony álemdik olımpıada ujymyna kirgizý jónindegi bastama Vasılıı Shestakovtyń bastamasymen 2009 jyly jarııa etilgen bolatyn. 2003 jyly Memlekettik sport komıtetiniń sheshimimen sambo resmı túrde Reseıdiń ulttyq jáne basymdyqqa ıe sporty boldy.
