Sambo Azııa oıyndarynyń baǵdarlamasyna engizildi
ASTANA. 19 qańtar. QazAqparat - Azııanyń Olımpıadalyq keńesi sambony Azııa oıyndaryna engizý týraly sheshim qabyldady.
Endi bul sheshimdi Bas assambleıanyń otyrysynda ratıfıkatsııalaý qajet, dep habarlaıdy ITAR-TASS.
«Bárimiz de sambonyń Azııada, ásirese, onyń ortalyq bóliginde keńinen tanymal ekendigin jaqsy bilemiz. Osyǵan baılanysty, Azııa sambo odaǵy moıyndalyp, sporttyń bul túrin Azııa oıyndarynyń baǵdarlamasyna engizýdi qoldaımyn», - deıdi Azııa Olımpıada odaǵynyń prezıdenti Ahmad ál-Fahad ál-Sabah.
Odaq basshysynyń sózine qaraǵanda, bul Azııa Olımpıada odaǵynyń, Azııa sambo odaǵynyń jáne osy saladaǵy Halyqaralyq federatsııanyń arasyndaǵy qarym-qatynastardy damytýdaǵy alǵashqy qadam bolmaq.
