Samat Smaqov «Jetisý» komandasynyń bas bapkeri qyzmetinen ketti
ASTANA. KAZINFORM – Qazaqstandyq maman Samat Smaqov «Jetisý» komandasyndaǵy jattyqtyrýshy qyzmetinen ketti. Bul jóninde taldyqorǵandyq komandanyń baspasóz qyzmeti málim etti.
Samat Smaqov 1978 jyly dúnıege kelgen. 1997-2017 jyldary qazaqstandyq, reseılik jáne túrkııalyq klýbtarda oınady.
2018 jyldan beri bapkerlikpen aınalysady. Ótken jyldan beri taldyqorǵandyq «Jetisý» klýbynyń bapkeri bolyp keledi.
Bıyl taldyqorǵandyq komanda el birinshiliginde 21 upaımen on ekinshi oryndy mise tutty. Soǵan qaramastan Premer-lıgadaǵy ornyn saqtap qaldy. Sondaı-aq ol 2023 jyly birinshi lıgada Semeıdiń «Elimaı» klýbynyń bas bapkeri atanyp, komandanyń Premer-lıgaǵa oralýyna yqpal etti.
Aıta ketsek, bıyl Samat Smaqov Qazaqstan Premer-lıgasynyń V týryndaǵy «Ordabasy» men «Jetisý» kezdesýinde bas tóreshige til tıgizip, ádepsiz sózder aıtqan. Osyǵan baılanysty ol tórt oıynnan shettetildi.