Samat Smaqov shetel fýtbolshylarymen sońǵy ret alańǵa shyǵady
AQTÓBE. QazAqparat - «Aqtóbe» FK bas dırektory Samat Smakov sporttaǵy karerasyn qyrkúıekte aıaqtaıdy. Halyqaralyq joldastyq kezdesýden túsken qarjy qaıyrymdylyqqa beriledi, dep habarlaıdy QazAqparat tilshisi.
«Aqtóbe» fýtbol klýbynyń ataq-abyroıyn qaıtaryp, elimizdiń úzdikteri qataryna qosý úshin kúsh salyp júrgen Samat Smaqov 2 qyrkúıek kúni sporttaǵy karerasyn aıaqtaıdy. Halyqaralyq joldastyq kezdesý «Aqtóbe» ardagerleri men «Smaqovtyń dostary» komandarlary arasynda ótedi.
«Joldastyq kezdesýge Qazaqstan jáne shetel fýtbolshylary qatysady. Olardyń arasynda Emıl Kenjesarıev, Andreı Sıdeldıkov, Andreı Bogomolov, Marat Haırýllın, Jasýr Narzıkýlov, Aleksandr Mıtrofanov, Andreı Lavrık, Qaırat Áshirbekov, Álibek Býleshov, Rýslan Baltıev, Andreı Mıroshnıchenko, Nurbol Jumasqalıev, Murat Tileshov, Andreı Fınonchenko, Andreı Morev, Sergeı Strýkov, Malık Mane, Tıtı Essomba, Vıtalıı Kıtsak, Dmıtrıı ıÝrıst, Evgenıı Lovchev sekildi oıynshylar bar. Bılet baǵasy - 300 teńge. Túsken qarjynyń bári qaıyrymdylyqqa jumsalady»,- dep habarlady «Aqtóbe» FK baspasóz qyzmeti.
Aıta keteıik, joldastyq kezdesýdi tamashalaýǵa saıasatkerler men Qazaqstan fýtbol klýbtarynyń basshylary, jattyqtyrýshylary men fýtbol mamandary, «Astana KZ» jáne «Sparta» KTK ázilkeshteri qatysady. Samat Smaqov óziniń áleýmettik paraqshasynda sporttaǵy karerasyn aıaqtaý keshine mánerlep syrǵanaý sheberi Denıs Tendi dosy, qadirli qonaǵy retinde shaqyrǵanyn, biraq bul kúnge jetpegenin ókinishpen jazǵan bolatyn. Qobylandy batyr atyndaǵy ortalyq stadıonǵa bılettiń qaı ýaqyttan bastap satylatyny belgisiz. Stadıon syıymdylyǵy - 13 myń oryn.
