Samat Smaqov: Prezıdenttik saılaý - el birligin nyǵaıtý úshin meılinshe mańyzdy qadam
ASTANA. QazAqparat - 26 sáýirge belgilengen Qazaqstan Respýblıkasy prezıdenttigine kezekten tys saılaý - el birligin nyǵaıtý úshin meılinshe mańyzdy qadam. Qazaqstannyń eń úzdik fýtbolshylarynyń biri, Ulttyq qurama oıynshysy Samat Smaqov aldaǵy úlken sharaǵa qatysty osyndaı pikir bildiredi. Bul týraly QazAqparat «Qazaqstan fýtbol federatsııasynyń» baspasóz qyzmetine silteme jasap habarlaıdy.
«Meniń oıymsha, kezekten tys prezıdenttik saılaý ótkizý jiti saralanǵan, asa qajetti shara. Halyqaralyq qaıshylyqtardyń artyp, ekonomıkada daǵdarystyq qubylystar dendep turǵan ýaqytta saılaý ótkizý eldiń ishki jaǵdaıyn turaqtandyrýǵa jáne «Nurly jol» baǵdarlamasyn júzege asyrýǵa óz septigin tıgizedi», - deıdi S. Smaqov.
Onyń aıtýynsha, barsha qazaqstandyqtar qazirgi elimizdiń ekonomıkalyq jáne saıası arenadaǵy jetistikterin, Qazaqstan halqynyń ál-aýqatynyń artýyn Nursultan Nazarbaevtyń esimimen tyǵyz baılanystyrady. «Osy turǵydan alǵanda, saılaý elimizdegi birlikti nyǵaıta túsedi ári men bul sharanyń ekonomıkalyq daǵdaryspen kúreste serpin beretin jańa ekpin núktesi dep bilemin», - dedi S. Smaqov.
