Samat Smaqov Qyrǵyzstan prezıdentimen bir komandada «Barselona» ardagerlerine qarsy oınaıdy
«Qyrǵyzstan prezıdenti Sadyr Japarov Bishkekte ótetin dostastyq matchta Ispanııanyń «Barselona» klýbynyń ardagerlerine qarsy oınaıdy», dep keltiredi «Kabar» agenttigi prezıdent ákimshiligi aqparattyq saıasat qyzmetiniń basshysy Daıyrbek Orýnbekovtiń sózin.
Match 30 tamyzda Dolon Omýrzakov atyndaǵy stadıonda ótedi, bastalýy – 20:00-de.
Qyrǵyzstan basshysy engen «Azııa ańyzdary» komandasynyń quramynda Qazaqstan fýtbolynyń ardagerleri Samat Smaqov pen Andreı Karpovıch ta bar. Sondaı-aq Qytaı, Túrikmenstan, Japonııa, Tájikstan, Ózbekstan elderiniń tanymal sportshylary kirip otyr. Olar Ronaldıno, Rıvaldo syndy fýtbol juldyzdaryna qarsy oınaıdy.
«Barselona» quramynan 10 oıynshynyń aty-jóni belgili:
1. ıspanııalyq qaqpashy Albert Horkera;
2. ıspanııalyq qorǵaýshy jáne «Barselonanyń» eks-kapıtany Karles Pýıol;
3. brazılııalyq qorǵaýshy Jýlıano Belettı;
4. Nıderlandtyń jartylaı qorǵaýshysy Edgar Davıds;
5. ıtalııalyq qorǵaýshy Franchesko Koko;
6. frantsııalyq jartylaı qorǵaýshy Lıýdovık Jıýlı;
7. Nıderlandtyń jartylaı qorǵaýshysy Ronald de Býr;
8. brazılııalyq shabýyldaýshy jartylaı qorǵaýshy Ronaldıno;
9. brazılııalyq shabýyldaýshy jartylaı qorǵaýshy Rıvaldo;
10. argentınalyq shabýylshy Haver Savıola.
11-shi oıynshynyń kim bolatyny ázirge belgisiz. Ol «Barselona» prezıdenti Joan Laporta bolýy yqtımal.
«Azııa ańyzdary» quramy tolyq belgili:
1. qazaqstandyq ortalyq qorǵaýshy Samat Smaqov;
2. qytaılyq qorǵaýshy Fan Chjıı;
3. qyrǵyzstandyq qorǵaýshy Rýslan Sydyqov;
4. keńestik jáne túrikmenstandyq ámbebap fýtbolshy Amandýrdy Annadýrdyev
5. Japondyq jartylaı qorǵaýshy Hıdetosı Nakata;
6. keńestik, tájikstandyq jáne reseılik jartylaı qorǵaýshy Mýhsın Mýhamadıev;
7. keńestik jáne reseılik jartylaı qorǵaýshy Andreı Kanchelskıs;
8. keńestik jáne ózbekstandyq jartylaı qorǵaýshy Mırdjalol Kasymov;
9. qazaqstandyq jartylaı qorǵaýshy Andreı Karpovıch;
10. qyrǵyzstandyq shabýylshy Hýrshıt Lýtfýllaev;
11. Qyrǵyzstan prezıdenti Sadyr Japarov.
