Samat Smaqov «Atyraý» komandasy tizginin ustady
ASTANA. KAZINFORM - «Atyraý» fýtbol klýby qazaqstandyq Samat Smaqovtyń komandanyń bas bapkeri qyzmetine taǵaıyndalǵanyn habarlady.
Qazaqstan fýtbolyna jaqsy tanys maman bapkerlik jolynda «Ordabasy» klýbynyń jattyqtyrýshylar shtabynda qyzmet atqaryp, «Elimaı» komandasyn basqardy.
Onyń jetekshiligimen semeılik klýb Premer-Lıgaǵa joldama aldy. Keıin «Astana» klýbynda tehnıkalyq dırektor qyzmetin atqaryp, «Jetisýdyń» bas bapkeri boldy.
Tájirıbeli maman fýtbolshy retinde de Qazaqstan fýtbolynda ózindik iz qaldyrǵan. Ulttyq qurama sapynda 76 kezdesý ótkizip, elimizdiń alty dúrkin chempıony jáne tórt dúrkin Qazaqstannyń úzdik fýtbolshysy atanǵan.
Eske salsaq, buǵan deıin Qazaqstandyq maman Vladımır Chebýrın eki jaqty kelisim boıynsha «Atyraý» fýtbol klýbynyń bas bapkeri qyzmetinen ketti.
Ol 2026 jyldyń 6 naýryzynda komandanyń tizginin ustap, osy ýaqyt aralyǵynda bas bapker retinde 19 kezdesý ótkizdi.
