Samat Smaqov «Aqtóbe» fýtbol klýbyn nege satyp alǵanyn túsindirdi
AQTÓBE. QazAqparat - Samat Smaqov «Aqtóbe» FK qaryzyn qaıtarý úshin arnaıy keste jasalatynyn aıtty, dep habarlaıdy QazAqparat tilshisi.
Búgin Samat Smaqovtyń «Aqtóbe» FK satyp alǵanyn resmı jarııalaǵan bolatyn.
«Aqtóbe» FK senimgerlik basqarýǵa almas buryn mamandarmen aqyldastym. Sebebi, ózim fýtbolshy bolǵanymmen basqarýshylyq tájirıbem az. Ári otbasymmen, ata-anama aıttym. Bir jaǵynan «Aqtóbeni» taratyp jiberýge jol bergim kelmedi. Klýb tarıhy tereń, jetistikke jetý úshin qanshama ter tógildi. Shynyn aıtqanda, ózge klýb bolǵanda senimgerlik basqarýǵa almas edim»,- dedi Samat Smaqovbúgin ótken baspasóz máslıhatynda.
Klýbtyń jańa ıesi balalar arasyndaǵy fýtboldy damytý josparlap otyr. Keler jyly balalar fýtbol akademııasy aqyly bolady. Tek az qamtylǵan otbasynan shyqqan balalar fýtbolmen tegin shuǵyldanady. Fýtbol akademııasy osy arqyly tabys taýyp, óz shyǵynyn óteıdi.
«Senimgerlik basqarýǵa bergende qaryzy qosa alyndy. Qazir qaryzdyń naqty somasyn aıta almaımyn. Bir sózben aıtqanda óte kóp. Sondyqtan qaryzdy qaıtarý úshin 2019 jyly arnaıy keste bolady. Biz sol kestege saı qaryzdy qaıtaramyz. Qazaqstandyq fýtbolshylar meni tanıdy. Olarmen kelisimge kelý, aqyldasý jeńil. Biz úshin legıonerler eń qıyn jumys bolyp tur. Qazir demeýshilerdi izdep, qosymsha tabys tabý jumystary júrip jatyr. Qazaqstanda fýtbolmen tabys tabý qıyn. Biraq biz sekildi jankúıeri bar klýbtyń tabys tabýǵa múmkindigi bar»,- dedi Samat Smaqov.
