Samat Nurtaza: Toqaev halyqqa beıbit sherý quqyǵyn berýde

NUR-SULTAN. QazAqparat - Elordada Prezıdenttiń qatysýymen ótken Ulttyq keńes otyrysynda talqylanǵan máselelerge qatysty saıasattanýshy, Eýrazııalyq yntymaqtastyq ınstıtýtynyń bólim basshysy Samat Nurtaza pikir bildirdi, dep habarlaıdy QazAqparat tilshisi.

«Ulttyq keńes otyrysynda mıtıngige baılanysty jeńildikter, gýmanızatsııa týraly aıtylǵan sózder qýantty. Endi mıtıngige shyǵý quqyǵy paıda boldy. Adamdar jeke pikirin aıta alatyn múmkindik týady. Mıtıng - ár adamnyń quqyǵy bolsa, Qasym-Jomart Toqaev sol quqyqty berip otyr. Memleket basshysy halyqtyń sózi jerde qalmaýy úshin bárin isteýde»,- deıdi Samat Nurtaza.

Sondaı-aq, ol Parlamenttik oppozıtsııa týraly da oıyn bildirdi.

«Parlamenttik oppozıtsııa týraly aıtylǵan máselege qýanamyn. Shynymen Májiliste oppozıtsııa bolyp, halyqtyń ártúrli ókiliniń úni estile bastasa - bul naǵyz demokratııa men lıberılızatsııanyń belgisi bolar edi», - deıdi ol.

Eske sala ketsek, buǵan deıin elordada Prezıdenttiń qatysýymen Ulttyq keńestiń ekinshi otyrysy bastalǵany týraly jazǵan bolatynbyz.

foto: facebook.com/NordmanKZ