Samat Nurtaza: Saılaý nátıjesi memlekettiń aldaǵy 5 jylyna tikeleı áser etetinin umytpaıyq

ÓSKEMEN. QazAqparat – Eýrazııalyq ıntegratsııa ınstıtýtynyń sarapshysy Samat Nurtaza el turǵyndaryn Parlament Májilisi depýtattarynyń saılaýynan tys qalmaı, úmitkerlerge daýys bergen kezde jaýapkershilik tanytýǵa shaqyrdy, dep habarlaıdy QazAqparat tilshisi.

Bul týraly ol Óskemen qalasynda ótken «Saılaý-2021: Mańyzy men erekshelikteri» atty sarapshylar keńesiniń otyrysynda aıtty.

«Aldaǵy Parlament saılaýyna da kóp adam tartylady degen úmittemiz. Sebebi bul saılaýdyń ádil ótýine, qandaı da bir zańbuzýshylyqtardyń bolmaýyna kepildik beredi. Jýyqta saılaýǵa daýys berý sátin beınejazbaǵa túsirýge tyıym salatyn zań shyqqany belgili. Keıbireýler buny quptamaıtyndyǵyn aıtýda. Alaıda siz bireýdi túsirý arqyly onyń quqyǵyn buzatyndyǵyńyzdy umytpaýyńyz kerek. Caılaýdyń mańyzdylyǵy zor aýqymdy shara ekenin qaperimizde ustap, jaýapkershilik tanytaıyq. Osy rette jurtshylyqty saılaýdan tys qalmaı, belsendilik tanytýǵa shaqyramyn», - dedi Eýrazııalyq ıntegratsııa ınstıtýtynyń sarapshysy.