Samat Ábishtiń soty nelikten jabyq formatta ótti

ASTANA. KAZINFORM - Birqatar buqaralyq aqparat quraldarynda jarııalanǵan jarııalanymdarǵa baılanysty Astana qalasynyń qylmystyq ister jónindegi aýdanaralyq soty bılikti asyra paıdalandy dep aıyptalǵan A.-ǵa qatysty qylmystyq is (QR QK 362-baby 4-bóligi) qaralǵanyn habarlaıdy.

Astana qalasynyń qylmystyq ister jónindegi aýdanaralyq sotynyń habarlaýynsha, «Qupııa» belgisin eskere otyryp, sot otyrystary jabyq formatta ótti.

Taraptardyń ustanymy

Sotta prokýror aıypty qoldap, sottan A.-ny belgili bir laýazymdardy atqarý quqyǵynan 10 jylǵa aıyra otyryp, 8 jylǵa bas bostandyǵynan aıyrý jazasyn taǵaıyndaýdy surady. Bul rette QK-niń 63-babynyń negizinde jazany probatsııalyq baqylaý belgileı otyryp, sol merzimge shartty túrde dep sanaýdy aıqyndady.

Sottalýshy kinásin tolyq moıyndap, shyn júrekten ókingen.

Sot úkimi

Sot úkimimen A. QR QK 362-babynyń 4-bóliginde kózdelgen qylmysty jasaǵany úshin kináli dep tanyldy jáne 10 jyl merzimge belgili bir laýazymdardy atqarý quqyǵynan aıyryla otyryp, 8 jylǵa bas bostandyǵynan aıyryldy.

QR QK 63-baby negizinde taǵaıyndalǵan jazany shartty dep sanaý týraly qaýly etildi.

Sot sottalýshynyń jas balalarynyń bolýyn jáne onyń shyn júrekten ókinýin jazany jeńildetetin mán-jaılar dep tanydy. Aýyrlatatyn mán-jaılar anyqtalǵan joq.

QR QK 49-babynyń 2-bóligine sáıkes sot Qazaqstan Respýblıkasynyń Prezıdentine arnaýly ataǵynan jáne memlekettik nagradalarynan aıyrý týraly usynys engizý týraly sheshim qabyldady.