Samat Ábishke qandaı shekteýler qoıylady
ASTANA. KAZINFORM – Іshki ister mınıstri Erjan Sádenov sot úkiminiń shyǵýyna baılanysty Samat Ábishke qandaı shekteý sharalary qoldanylatyndyǵyn aıtty.
«Úkimge qatysty saýaldy sýdıaǵa qoıǵan jón shyǵar. Biz óz quziretimiz sheginde jumys isteımiz. Atalǵan azamat probatsııalyq baqylaýda bolady. Onyń syrtqa shyǵý quqyǵy joq. ıAǵnı, turyp jatqan jerdiń aýmaǵynda ǵana bolady jáne tıisti protsedýradan ótedi», - dedi mınıstr Májilistiń jalpy otyrysynan keıin BAQ ókilderiniń saýalyna oraı.
Sonymen qatar Erjan Sádenov Samat Ábishtiń Qazaqstan aýmaǵyna tysqary shyǵa almaıtyndyǵyn, tek turǵylyqty jerinde bolýy kerektigin basa aıtty.
Buǵan deıin Ulttyq qaýipsizdik komıteti tóraǵasynyń burynǵy orynbasary Samat Ábish shartty túrde 8 jyl merzimge sottalǵanyn jazǵan edik.
