Samarqannan 2000 jyl buryn jasalǵan qazan tabyldy

TAShKENT. QazAqparat – Samarqan memlekettik murajaı-qoryǵynyń qyzmetkerleri biregeı olja – eki myń jyldyq tarıhy bar qola qazan taýyp aldy, dep habarlaıdy QazAqparattyń menshikti tilshisi Ózbekstan mádenı mura agenttigine silteme jasap.

Jádiger murajaı qoryn baıytý maqsatynda Samarqan oblysyna jasalǵan ekspedıtsııa kezinde tabylǵan.

Ǵalymdardyń aıtýynsha, bıiktigi 37 sm, dıametri 52 sm bolatyn qola ydys saq taıpalaryna tıesili jáne bizdiń dáýirimizge deıingi II-I ǵasyrlarǵa jatady.
Turmystyq zatty 1993 jyly Samarqan qalasynyń Paıaryq aýdanynyń turǵyny Anvar Shogdorov aryq qazyp jatqan jerinen taýyp alǵan. Zatty taýyp alǵan turǵyn onyń biregeı jádiger ekenin bilmegen jáne ony qospa jemdi daıyndaý úshin paıdalanǵan.
Mádenı mura agenttiginiń habarlaýynsha, saq dáýirine jatatyn qola qazandar Qoshrabat óńirindegi Qaraqshy taýynyń baýraıynda jáne Paıaryq óńirindegi Kóktepa arheologııalyq eskertkishi aýmaǵynan da tabylǵan. Ejelgi ýaqytta olar suıyq ónimder úshin de, masaıtatyn sýsyndar daıyndaý úshin de qoldanylǵan. Olardy et pisirýge, dinı rásimderge jáne qurbandyq shalýǵa paıdalanǵan degen pikirler de bar.

Foto: madaniymeros.uz