Samarqanda janarmaı quıý stansasy jaryldy, qaza tapqandar bar

SAMARQAND. KAZINFORM — Ózbekstannyń bir oblysyndaǵy avtojanarmaı quıý stansasynda bolǵan joıqyn jarylys saldarynan úsh adam qaza tapty. Qaıǵyly oqıǵa júk kóligin janarmaımen toltyrý kezinde oryn alǵan, dep habarlaıdy kun.uz.

Jarylys Kattakýrǵan aýdanyndaǵy janarmaı quıý stansasynda boldy. Oqıǵa ornynda eki adam sol sátte kóz jumǵan. Kun.uz málimetinshe, úshinshi adamnyń ómiri úshin dárigerler birneshe kún kúreskenimen, ol jansaqtaý bóliminde qaıtys boldy.

— ZIL júk kóligin dızel otynymen toltyrý kezinde kólemi 10 tekshe metr bolatyn rezervýarlarda tutaný bolǵan, — delingen polıtsııa taratqan habarlamada.

Oqıǵa saldarynan janarmaı quıý stansasynyń basshysy, operator jáne júk kóliginiń júrgizýshisi qaza tapty. Oblystyq ІІB baspasóz hatshysy Hamıdýlla Sagdýllaevtyń aıtýynsha, bul oqıǵa boıynsha Qylmystyq kodekstiń 259-babynyń 2-bóligi («Órt qaýipsizdigi erejelerin buzý») boıynsha qylmystyq is qozǵalyp, aldyn ala tergeý júrgizilip jatyr.

Aıta ketelik Ózbekstannyń Samarqand qalasyndaǵy úsh qabatty turǵyn úıde jarylys bolyp, ǵımarat qulady. Oqıǵa ornynan alty adamnyń denesi tabylǵan edi.