Samarqandta úıdi buzý kezinde úsh jumysshy mert boldy
ASTANA. Aqpannyń 3-i. QazAqparat - Aqpannyń 2-si kúni tańerteń Samarqandta úıdi buzý kezinde birneshe jumysshy opat boldy,
dep habarlaıdy QazAqparat Uznews saıtyna silteme jasap.
Oqıǵa zergerlik dúken ornalasqan úıde boldy. Úıdi buzýǵa tartylǵan bir top jumysshylardy beton plıtasy basyp qalǵan. Onyń saldarynan úsh adam taban astynda til tartpaı ketti, ekeýi qatty jaraqat aldy.
Burynǵy zergerlik dúkenin buzý qalany qaıta jańartý boıynsha keń kólemdi naýqannyń bir bóligi bolyp tabylady. Mundaı jumystar birneshe jyldardan beri júrgizilip keledi. Qaıǵyly oqıǵanyń sebebi, úılerdi buzýda kásibı qurylysshylar men ınjenerler tartylmaı, bul jumystyń asyǵys júrgiziletindiginde bolyp otyr.
