Samarqandta OA men AQSh arasyndaǵy yntymaqtastyqty keńeıtý perspektıvalary talqylandy
ASTANA. KAZINFORM - Samarqandta Ortalyq Azııa men AQSh arasyndaǵy saýda-ekonomıkalyq yntymaqtastyqty keńeıtý perspektıvalary talqylandy, dep habarlaıdy QR Syrtqy ister mınıstrliginiń baspasóz qyzmeti.
Qazaqstan Respýblıkasynyń Syrtqy ister mınıstri Muhtar Tileýberdi Ózbekstan Respýblıkasynyń dıalogtyq platformaǵa tóraǵalyq etý jylynda ótip jatqan Ortalyq Azııa memleketteriniń syrtqy ister vedomstvolary basshylary jáne AQSh Memlekettik hatshysy Marko Rýbıo qatysqan «S5+1» formatyndaǵy mınıstrlik kezdesýge qatysty.
Kezdesý barysynda saýda-ekonomıkalyq jáne ınvestıtsııalyq yntymaqtastyqty damytý, óńirlik ózara baılanystylyqty nyǵaıtý jáne turaqty ekonomıkalyq ósýdi qamtamasyz etýge baǵyttalǵan birlesken bastamalardy iske asyrý máseleleri talqylandy.
Qazaqstan SІM basshysy óńirlik yntymaqtastyqty damytýǵa arnalǵan tıimdi platforma retinde ózin tanytqan «S5+1» formatynyń qalyptasýyndaǵy Qazaqstan men AQSh-tyń tarıhı rólin atap ótti.
Osyǵan deıin AQSh Memlekettik hatshysy Marko Rýbıo Qazaqstanǵa saparlaýy múmkin ekeni týraly jazdyq.
