Samarqandta Islam Karımovtyń eskertkishi ashyldy
ASTANA. QazAqparat - Samarqandta Ózbekstannyń tuńǵysh prezıdenti Islam Karımovtyń eskertkishiniń saltanatty ashylýy boldy. Ashylý saltanatyna memleket basshysy Shavkat Mırzıeev qatysty, dep habarlaıdy uznews.uz .
Ózbekstan basshysy Samarqandqa saparyn memorıaldyq keshen ornatylǵan Islam Karımovtyń qabirine barýdan bastady. Islam Karımovtyń eskertkishi Regıstan alańynyń janyndaǵy saıabaqta ornatylǵan. Oǵan jaqyn mańda tuńǵysh prezıdenttiń týyp-ósken úıi bar. Monýmentti Shavkat Mırzıeev pen tuńǵysh prezıdenttiń jesiri Tatıana Karımova ashty. Eskertkishtiń túbine gúl shoqtary qoıylyp, Ózbekstan Respýblıkasynyń ánurany shyrqaldy. 31 tamyz kúni Tashkenttegi Oksaroı rezıdentsııasynyń aldynda Ózbekstannyń tuńǵysh prezıdenti Islam Karımovtyń eskertkishi ashyldy.
Foto:UzNews.uz/Sherzod Ikramutdinov
