Samarqanda 7 tonna palaý pisirilmek

TAShKENT. KAZINFORM — 1-3 tamyz aralyǵynda qalada “Samarqand palaýy”(Samarqand oshı) festıvali ótedi. Bul týraly SputnikUzbekistan aqparat agenttigi oblystyq Týrızm basqarmasynyń basshysy Jýrabek Súıinovke silteme jasap habarlady. 

Festıval baǵdarlamasynda 200-den astam aspaz arasyndaǵy baıqaýlar, palaýdyń 20-dan astam túrin daıyndaý, aspazdyq boıynsha sabaqtar, túrli elderdiń ulttyq taǵamdaryn kórsetý, qolóner buıymdary men shyǵys táttileriniń kórmeleri, mádenı-oıyn-saýyq sharalary bar.

Festıvaldiń basty oqıǵasy «Máńgilik qala» saıabaǵynda 7 tonna Samarqand palaýyn daıyndaý protsesi bolmaq.

Eske sala keteıik, 2023 jyly Ándıjan oblysy Izboskan aýdany Gúlstan turǵyn úı alabynda 8 tonna palaý pisirildi. 8 jeltoqsanda atap ótiletin Ózbekstannyń Konstıtýtsııa merekesine arnalǵan bul jaýapty jumysqa 40 aspaz jumyldyrylǵan.