Samarqandqa jańa áýe baǵyty ashylady
ASTANA. KAZINFORM — Kólik mınıstrligi bıylǵy jyldyń 1 mamyrynan bastap qazaqstandyq «QazaqAir» áýe kompanııasy Astana — Túrkistan — Samarqand baǵyty boıynsha Ózbekstanǵa jańa baǵyt ashýdy josparlap otyrǵanyn habarlady.

Kólik mınıstrligi turaqty negizde ushý geografııasyn keńeıtip, qoldanystaǵy baǵyttar boıynsha reıster sanyn arttyrý aıasynda jumys júrgizip jatqany belgili bolyp otyr.
Astana — Túrkistan — Samarqand baǵyty boıynsha ushatyn reıster aptasyna 2 ret beısenbi jáne jeksenbi kúnderi oryndalady. Qazaqstan men Ózbekstan arasyndaǵy reısterdiń jalpy sany aptasyna 42-den 44-ke deıin artady.
Áýe qatynasynyń ashylýy eki el arasyndaǵy saýda-ekonomıkalyq, iskerlik jáne týrıstik yntymaqtastyqty odan ári damytýǵa yqpal etedi dep kútiledi.
Buǵan deıin habarlanǵandaı, Almaty men Inchhon arasynda jańa reıs qatynaıdy.