Samarqanda mektepter men balabaqshalar 27 sáýirden bastap karantınge jabylady
Mundaı sheshimdi Samarqan qalasynyń ákimdigi janyndaǵy koronavırýspen kúres jónindegi arnaıy komıssııa qabyldady, dep habarlaıdy QazAqparat.
«Sońǵy kúnderi ınfektsııa deńgeıi birneshe ese artqandyqtan, qalanyń barlyq mektepteri men mektepke deıingi mekemelerinde 14 kúndik karantın engiziledi. Oqýshylarǵa arnalǵan onlaın bilim berý júıesi 27 sáýirden bastap iske qosylady. Eger karantın kezeńinde mektep oqýshylary men balabaqsha tárbıelenýshileri arasynda koronavırýsty juqtyrýdyń jańa jaǵdaılary anyqtalmasa, oqytýdyń dástúrli túri qaıta jańǵyrtylady», – delingen komıssııa sheshiminde.
Eske sala keteıik, buǵan deıin Ózbekstan Respýblıkasynyń premer-mınıstri Abdýlla Arıpovtyń ókimimen 18 sáýirden bastap eldegi iri saýda ortalyqtarynda, dúkenderde, bazarlarda, kontserttik jáne oıyn-saýyq mekemelerinde, sondaı-aq mektepter men balabaqshalarda karantın kúsheıtildi.
