Samara túbinde jol apatyna ushyraǵan avtobýsta balalarymen birge Qazaqstannyń 85 azamaty boldy

Bul týraly Reseıdiń Samara oblysy boıynsha TJM MM baspasóz qyzmetinen habarlady.

Vedomstvonyń naqtylaýynsha, «Podlesnyı-Temashevo» tas jolynyń 34-inshi shaqyrymynda Kınelsk mýnıtsıpaldy aýdany Alakaevka kentiniń aýmaǵynda jolaýshylar avtobýsynyń qatysýymen jol-kólik apaty boldy.

Oqıǵa ornyna órt sóndirýshiler jetkende «MERSEDES BENZ» (otyratyn 54 oryn) avtobýsy aýdarylǵany jáne ol jol jıegindegi jyrada jatqandyǵy anyqtaldy. Qaza bolǵandar joq. Atalmysh ýchaskede qozǵalys toqtaǵan joq. Avtobýsta jumysshylar - Qazaqstan Respýblıkasynyń 85 azamaty boldy.

Jol apaty saldarynan 21 adam japa shekti. 20 adam jedel járdem qyzmetiniń kólikterimen jáne jolshybaı mashınalarmen Krasnyı ıAr kenti, Bolnıchnyı kóshesi, 44 mekenjaıy boıynsha ornalasqan Krasnoıar aýdandyq ortalyq aýrýhanasyna jetkizildi, onyń 3-eýi (onyń ishinde bir bala) emdeýge jatqyzyldy. Naýqastardyń jaǵdaıy «ortasha aýyr» dep baǵalanýda. 17 adamdy aýrýhanaǵa jatqyzýdyń qajeti bolmady. Kınel qalasy, Polevoı kóshesi 23 mekenjaıy boıynsha ornlasqan Kınel aýdandyq ortalyq aýrýhanasyna 1 adam jetkizildi. Dárigerler onyń jaǵdaıyn «ortasha aýyr» dep baǵalap otyr.

Qalǵan jolaýshylar jol apaty ornynan dittegen jerlerine (Máskeý qalasyna) jol-jónekeı avtobýstarmen jóneltildi. Al avtobýstyń júrgizýshisi oqıǵanyń sebepterin anyqtaý maqsatynda jol apaty ornynda boldy, keıin medıtsınalyq kýálandyrýǵa jóneltildi. Búgingi tańda jol saqshylary oqıǵanyń sebepterin anyqtaý ústinde.