Samara-Shymkent jolynda synǵan avtobýstan Qyrǵyzstan azamattary qutqaryldy
ORAL. QazAqparat - Batys Qazaqstan oblysynda qystygúni jolda qalǵan qyrǵyzstandyq azamattarǵa kómek kórsetildi, dep habarlaıdy «QazAqparat» tilshisi.
BQO TJ departamentinen alynǵan málimetke qaraǵanda, 30 qańtar kúni Samara-Shymkent jolynyń 1826-shaqyrymynda qyrǵyzstandyq nómiri bar «Mersedes Sprınter» avtobýsynyń synyp qalǵany jóninde habar túsken.
Avtobýs jolaýshylaryna kómekke Syrym aýdandyq TJ bóliminiń qyzmetkeri men jergilikti atqarýshy organ ókilderi jiberildi. Jınaqy is-árekettiń nátıjesinde Jympıty aýylyndaǵy jol-paıdalaný ýchaskesiniń jylytý pýnktine Qyrǵyz eliniń 13 azamaty jetkizildi.
