Samara-Shymkent jolynda avtobýs aýdarylyp, bir adam qaza tapty
QYZYLORDA. QazAqparat - Búgin keshki saǵat 20:20 shamasynda Shymkent-Samara kúre jolynda, Aral qalasynyń mańynda «Shymkent-Novosibir» baǵytynda qatynaıtyn Reseı Federatsııasynan Ózbekstan Respýblıkasyna bara jatqan avtobýs aýdaryldy, dep habarlaıdy QazAqparat Qyzylorda oblysy ákiminiń baspasóz qyzmetine silteme jasap.
Avtobýs ishinde Reseıden qaıtyp kele jatqan 37 Ózbekstan azamaty bolǵan.
Zardap shekkenderge kómek kórsetý jáne aýrýhanaǵa aparý maqsatynda Aral aýdanynyń ákimdigi men aýdandyq tótenshe jaǵdaılar basqarmasynyń qyzmetkerleri, arnaıy qyzmetterdiń 10 tehnıkasy oqıǵa ornyna shuǵyl jetti.
Oblystyq densaýlyq saqtaý basqarmasynyń basshysy Aqmaral Álnazarovanyń habarlaýynsha, 2 adam aýrýhanaǵa jetkizildi, olardyń densaýlyǵyna qaýip tónip turǵan joq. 1 jolaýshy aýdandyq aýrýhanada aýyr jaraqat saldarynan kóz jumdy.
17 jolaýshy Aral aýdany ákimdigi qyzmetkerleriniń kómegimen jol boıyndaǵy qonaqúıge ornalastyryldy. Qalǵandary óz betinshe Novosibir qalasyna qaıta jolǵa shyqqan.
