«Samara-Shymkent» tasjolynda qalyp qoıǵan ózbekstandyq jolaýshylar qutqaryldy
AQTÓBE. QazAqparat - Aqtóbelik polıtsııa qyzmetkerleri ózbekstandyq jolaýshylardy aman alyp qaldy. Avtobýstyń dızeldi otyny qatyp, 46 jolaýshy kómek surady, dep habarlaıdy QazAqparat tilshisi.
24 qańtar kúni jol-patrýl polıtsııasy rotasynyń vzvod komandıri Manat Amanǵosov pen aǵa ınspektor Muratbek Qýanyshbaev kezekshilikke shyqty. Sol kezde «Samara-Shymkent» tasjolynda Ózbekstan jolaýshylary mingen avtobýstyń turyp qalǵany anyqtaldy. Tún ortasynda avtobýstyń dızeldi otyny qatyp, jolaýshylar tońyp qalǵan.
«43 jastaǵy júrgizýshi Shymkentten Reseıdiń Ýfa qalasyna baǵyt alǵanyn jetkizdi. Avtobýs ishinde 46 jolaýshy bolǵan. Dalada -27 gradýs aıaz. Tońǵan jolaýshylarǵa jedel kómek kórsetý úshin polıtsııa qyzmetkerleri áriptesterin shaqyryp, qysqy janarmaı quıdy. Keıin jolaýshylardy Jaısań shekara beketi, ıaǵnı, Reseı aýmaǵyna deıin erip bardy», - dep habarlady oblystyq polıtsııa departamentiniń baspasóz qyzmeti.
Eske salsaq, ótken jyly «Samara-Shymkent» baǵytyndaǵy jolaýshylar avtobýsynyń dızeldi otyny qatyp qalyp, 52 jolaýshy tirileı janyp ketken bolatyn.
