Samara-Shymkent tasjolynda 4 kóliktiń qatysýymen iri jol apaty boldy
AQTÓBE. QazAqparat - «Samara - Shymkent» tasjolynda birneshe kóliktiń qatysýymen iri jol apaty boldy, dep habarlaıdy QazAqparat.
13 aqpan saǵat 11.00 shamasynda «Samara-Shymkent» avtojolynyń 619-shaqyrymynda tórt avtomashınanyń qatysýymen jol-kólik oqıǵasy boldy.
«Reno» markaly avto tasıtyn kóliktiń júrgizýshisi jol jáne meteorologııalyq jaǵdaıdy eskermesten joldyń taıǵanaq bóliginde aldynda kele jatqan «Reno» júk kóligine baryp soǵylǵan.
Qatty soqqydan avtotasymaldaýshy «Reno» kenet qozǵalys baǵytyn ózgertip, qarsy jolaqta kele jatqan «Mersedes» júk kóligine soǵysady.
Saldarynan dene jaraqatyn alǵan «Mersedestiń» júrgizýshisi Hromtaý aýdanyndaǵy ortalyq aýrýhanaǵa jetkizildi.
