Samara-Shymkent avtojolynda kólik apatynan júrgizýshi kóz jumdy
AQTÓBE. QazAqparat - «Samara - Shymkent» avtojolynda bolǵan jol apatynan «Gazel» júrgizýshisi kóz jumdy, dep habarlaıdy QazAqparat.
8 sáýir kúni Áıteke bı aýdany Qııaqty kentiniń janyndaǵy «Samara-Shymkent» avtojolynda 38 jastaǵy «Gazel» avtokóliginiń júrgizýshisi qarsy qozǵalysqa arnalǵan jolaqqa shyǵyp, Ózbekstan azamaty tizgindep kele jatqan «DAF» júk avtokóligimen soqtyǵysqan.
Polıtsııanyń málimetinshe, q aqtyǵys saldarynan «Gazel» avtokóligi órtenip, júrgizýshi oqıǵa ornynda kóz jumdy.
Al «DAF» júk kóliginiń júrgizýshisi Áıteke bı aýdanynyń ortalyq aýdandyq aýrýhanasyna jatqyzyldy.
Aqtóbe oblysynyń polıtsııa departamenti kólik júrgizýshilerin jol qozǵalysy erejelerin múltiksiz saqtaýǵa shaqyrady.
