Samara-Shymkent avtojolynda qaýyn tıelgen kólik órtenip ketti
AQTÓBE. QazAqparat - Samara-Shymkent tasjolynda qaýyn tıelgen júk kóligi órtenip ketti, dep habarlaı QazAqparat tilshisi.
«Búgin saǵat 12.20-da Hromtaý aýdany, «Samara-Shymkent» tasjolynyń 872-shi shaqyrymynda avtokóliktiń qaýyn tıelgen tirkemesi órtendi. Jalyndy sóndirýge TJD-niń Órt sóndirý jáne apattyq-qutqarý jumystary qyzmetinen 2 adam, Áskerılendirilgen apattyq qutqarý qyzmetinen 3 adam jáne 1 avtokólik jiberildi. Órt saǵat 14:05-te aýyzdyqtaldy», - dep habarlady oblystyq TJD-nyń baspasóz qyzmetinen.
Qazir órttiń shyǵý sebebi men shyǵyny anyqtalýda. Zardap shekkender joq.
