Samara-Shymkent avtojolynda eki kólik soqtyǵysyp, 3 adam qaza tapty

AQTÓBE. QazAqparat - Aqtóbe oblysynda jol apatynan 3 adam mert boldy, dep habarlaıdy QazAqparat polıtsııaǵa silteme jasap.

1 tamyz shamamen saǵat 11:00-de Samara-Shymkent avtojolynyń 765 shaqyrymynda Mercedes júk kóligi men VMW jeńil máshınesi soqtyǵysty.

Saldarynan BMW avtokóliginiń júrgizýshisi men eki jolaýshy oqıǵa ornynda qaza taýyp, bir jolaýshy Aqtóbe qalasyndaǵy aýrýhanaǵa jetkizildi.

«Avtokólik júrgizýshilerinen jol erejesin qatań saqtaýdy suraımyz», - deıdi Aqtóbe qalasy PB bastyǵy Áset Qalıev.