«Samara - Shymkent» avtojoly jabyldy
AQTÓBE. QazAqparat - «Samara - Shymkent» avtojolynyń Aqtóbe oblysynan ótetin tusynda kólik qozǵalysyna shekteý qoıyldy, dep habarlaıdy QazAqparat.
Qazaqstandaǵy joldar kartasyna kóz salsaq, elimizdiń birneshe aımaǵynda aýa raıyna baılanysty jol jabylǵan.
Atap aıtqanda, «Samara-Shymkent» tasjolynyń Qobda eldimekeninen bastap Batys Qazaqstan oblysy shekarasyna deıingi aralyǵynda kólik júrýine tyıym salyndy. Bul - atalmysh joldyń 526-shaqyrymynan bastap 615-shaqyrymyna deıingi aralyq.
Sonymen qatar «Óskemen-Rahman qaınary» jolynyń 6-66 shaqyrymy jabyq. Bul - Ýshanov aýylynan Serebrıansk qalasyna burylatyn tusqa deıingi 60 shaqyrym.
Eske sala keteıik, biz buǵan deıin Batys Qazaqstan oblysynda barlyq baǵyttaǵy joldar jabylǵanyn jazǵan bolatynbyz.
