«Samara-Shymkent» trassasynda 52 shetel azamaty jolda qalyp qoıǵan

ASTANA. KAZINFORM — TJM qutqarýshylary 52 shetel azamatyn evakýatsııalady, dep habarlaıdy TJM baspasóz qyzmeti.

Túnde «Samara-Shymkent» tas jolynda jolaýshylar avtobýsy buzylyp, Aqtóbe oblysy Yrǵyz aýdanynda turyp qaldy.

— TJM qyzmetkerleri aqaýly avtobýstan jaqyn mańdaǵy Yrǵyz aýylynyń jylytý pýnktine 52 jolaýshyny, onyń ishinde 1 balany evakýatsııalady. Kópshiligi Ózbekstan Respýblıkasynyń azamattary jáne 6 adam Tájikstan Respýblıkasynyń azamattary bolyp tabylatyn jolaýshylar osy sátte basqa avtobýspen baratyn jerine ketti. Eshkim medıtsınalyq kómekke muqtaj bolmady, — delingen habarlamada.

Aıta keteıik, tótenshe jaǵdaı týyndaǵan kezde 112 nómirine qońyraý shalyńyz.

Buǵan deıin habarlaǵanymyzdaı, keshe qar qursaýynda qalǵan 59 qostanaılyq qutqaryldy.