Samara oblysynda aýdarylǵan qazaqstandyq avtobýs Saryaǵashtan shyqqan bolýy múmkin
ShYMKENT. 1 maýsym. QazAqparat - OQO Jol polıtsııasy basqarmasynyń shtab ınspektory Lýıza Gazıevanyń málimetteri boıynsha, aýdarylyp qalǵan avtobýs Saryaǵash aýdany turǵynynyń atyna tirkelgen.
Rýlde onyń ózi bolǵan-bolmaǵany ázirge belgisiz.
Jol polıtseıleriniń málimetteri boıynsha, er adam avtobýsty 2011 jyldyń qańtar aıynda satyp alǵan. Biraq OQO Shymkent-Máskeý baǵdary boıynsha resmı ruqsat etilgen reıster joq, avtobýs ıesi qajetti tirkeý rásiminen ótpegen. Avtobýs birjolǵy saparǵa shyǵyp júrgen bolýy múmkin, biraq bul jaǵdaıda da onyń ıesi tirkelýi tıis edi. Ońtústik Qazaqstan Jolaýshylar kóligi bóliminiń bastyǵy A.Shalabaevtyń sózine qaraǵanda, baǵdar ıesinde bort jýrnaly bolýy kerek bolǵan.
Aýdarylǵan avtobýsta 85 adam bolǵanyn eske salamyz. 21 jolaýshy jaraqat aldy, qaza tapqandar joq.
