Samara mańyndaǵy apat. Zardap shekken jeti adamnyń jaǵdaıy qalaı

ASTANA. KAZINFORM — Qazir jol apatynan zardap shekkender medıtsınalyq mekemede dárigerlerdiń baqylaýynda jatyr, dep habarlady TJM.

Qazaqstannyń TJM qutqarýshylary Reseıdegi JKO zardap shekken otandastarynyń jaǵdaıyn bildi.

— Búgin Batys Qazaqstan oblysy TJ departamentiniń basshylyǵy vedomstvonyń psıhologtarymen birlesip Reseı Federatsııasynan jetkizilgen patsıentterge bardy. Zardap shekkenderdiń kóńil-kúıi turaqty, qanaǵattanarlyq deńgeıde. Patsıentter medıtsınalyq mekemede dárigerlerdiń baqylaýynda, — delingen habarlamada.

Eske salsaq, Reseıdiń «Samara — Bolshaıa Chernıgovka» tas jolynda jol apaty bolǵan. Apat kezinde jeti qazaqstandyq zardap shekti. Keshe zardap shekkender Reseıden Oral aýrýhanasyna jetkizildi. 

Keıinnen jol apatynan eki qazaqstandyq qaza bolǵany habarlandy.