Salyqbot arqyly salyq pen keden rásimderine qatysty keńes alýǵa bolady

ASTANA. QazAqparat – Memlekettik kirister komıteti salyq jáne keden máselelerine qatysty suraqtar boıynsha jedel kómek kórsetý maqsatynda telegramda @Salyqbot chatyn iske qosty, dep habarlaıdy QazAqparat vedomstvonyń baspasóz qyzmetine silteme jasap.

Salyqbot arqyly qazaq jáne orys tilinde keńes alýǵa bolady. Yńǵaıly bolýy úshin QR kodtyń kómegimen kirý múmkindigi qarastyrylǵan.

Bul tsıfrly keńesshiniń kómegi kelesideı:

- salyq beresheginiń bar nemese joq ekendigi týraly málimetterdi lezde bilý;

- kólik quraldaryna salynatyn salyqty derbes esepteý;

- salyqtardy ýaqtyly tólemegeni úshin ósimpul somasyn esepteý;

- ózekti anyqtamalyq aqparatty bilý, salyq kúntizbesin paıdalaný;

- túıindi sózder boıynsha salyq jáne keden zańnamalary týraly paıdaly aqparat alý;

- tirkelý arqyly eseptilikti berýdiń, salyq tóleýdiń aldaǵy merzimderi týraly eske salatyn push-habarlamalardy, sondaı-aq paıdaly jańalyqtar men habarlamalardy (aqparat paıdalanýshynyń jeke nemese zańdy tulǵanyń múddesin eskere otyryp jiberiledi) alý;

- bank shottaryn buǵattan shyǵarý, jeke tulǵalardyń bankrottyǵy, jeke tulǵalardyń kóligine, jerine jáne múlkine salyq tóleý máseleleri boıynsha jedel kómek alý;

- zańdy tulǵalarǵa tólengen somalar týraly málimetter alý múmkindigi.

Eske sala ketsek, jabaıy ósimdik túrlerin paıdalanýshylar kelesi jyldan bastap salyq tóleıdi. Premer-Mınıstrdiń orynbasary - Qarjy mınıstri Erulan Jamaýbaev sańyraýqulaq pen jemis-jıdek teretinderge salyq salýdyń jańa normasyna qatysty túsinik berdi.