«Salyq keshbek» pılottyq jobasynyń merzimi uzartyldy

ASTANA. KAZINFORM – Memlekettik kirister komıteti «Salyq keshbek» pılottyq jobasy 2026 jylǵy 1 qańtardan bastap uzartylatynyn habarlady. 

Joba mıkro jáne shaǵyn bıznes sýbektileri bergen baqylaý-kassa mashınalarynyń fıskaldyq chekteri boıynsha syıaqy tóleýge baǵyttalǵan.
2025 jyly «Salyq keshbek» jobasy oń nátıje kórsetti. Skanerlengen chekter sany 26% ósti, al olardyń jalpy somasy ótken jylmen salystyrǵanda 32% ósti. Joba 12 oblystyń 48 aýdanynda: Shyǵys Qazaqstan, Qostanaı, Aqmola, Qaraǵandy, Mańǵystaý, Jambyl, Túrkistan, Almaty, Batys Qazaqstan, Soltústik Qazaqstan, sondaı-aq Jetisý jáne Ulytaý oblystarynda iske asyryldy.

Aıta keteıik, 2025 jyly jalpy somasy 7,6 mlrd teńgege 573 937 chek skanerlendi. Eseptelgen keshbek somasy 152 mln teńge boldy.

«Salyq keshbek» jobasyna kez kelgen adam qatysa alady. Ol úshin taýarlar men qyzmetterge aqy tóleý kezinde (qolma-qol aqshamen de, qolma-qol aqshasyz tásilmen de) fıskaldyq chek alý, «Amian» arnaıy mobıldi qosymshasyndaǵy chekten shtrıh-kodty skanerleý jáne satyp alý somasynyń 2% mólsherinde syıaqy alý qajet. 
Syıaqylar «IT Analytics» JShS operatory arqyly «Amian» mobıldi qosymshasyn paıdalana otyryp esepteledi.

«Amian» qosymshasyn App Store jáne Google Play-da tegin júkteýge bolady. Memlekettik kirister komıteti azamattardy tutynýshylyq quqyqtaryn qorǵaý maqsatynda baqylaý-kassalyq mashınalardyń chekterin talap etýge shaqyrdy.

Eske salsaq, chek skanerleý arqyly syıaqy alatyn óńirler belgili bolǵan edi.

Qazaqstandyqtar shaǵyn dúkenderden chek talap etip, syılyq utyp ala alady. Bul úshin arnaıy Salyq keshbek memlekettik jobasy jumys isteıdi.

Jezqazǵan qalasy «Salyq keshbek» pılottyq jobasyna qosyldy.