Salynyp jatqan kópqabatty ǵımarat opyrylyp, 14 adam qaza boldy
ASTANA. 5 qańtar. QazAqparat - Úndistandaǵy Goa shtatynyń ońtústik bóliginde salynyp jatqan alty qabatty ǵımarat qulap, 14 jumysshy qaza tapty, dep habarlady 24.kz.
Úıindi astynda 40-qa jýyq adam qalýy múmkin. Kýágerlerdiń aıtýynsha, ǵımarat ishinde 75 jumysshy bolǵan. Qazir oqıǵa ornynda 350 áskerı, órt sóndirýshi, dáriger men polıtseıler jumys isteýde. Qutqarýshylar 21 adamdy qırandy astynan alyp shyqty. Sheneýnikterdiń aıtýynsha, úıdiń qulaýyna qaýipsizdik tehnıkasy erejeleriniń saqtalmaýy sebep bolǵan. Bul elde mundaı apattar jıi bolady. Ótken jyldyń qyrkúıeginde Mýmbaıda bes qabatty úı opyrylyp, 60 adamnyń ómiri qıyldy. Munda sáýirde ǵımarat qırap, 70 turǵyn qurban bolǵan.
