Salyqtyń ulǵaıýynan Estonııada týrızm salasy zardap shekpek
ASTANA. QazAqparat - Estonııada tabystan túsetin salyq mólsherin ulǵaıtý týraly úkimettiń bolashaq jospary qonaq úı bıznesin alańdatyp otyr, dep habarlady rus.err.ee.
Estonııa qonaq úıler men meıramhanalar odaǵy jańa koalıtsııanyń bul bastamasy memleketke shyǵyn ákeletinin málimdedi. Olardyń pikirinshe, budan jumys oryndary qysqaryp, Estonııa 200 000-nan astam týrısten aıyrylýy múmkin. Osyǵan baılanysty birneshe jyldan beri salynyp kele jatqan Tartý qalasynyń qaq ortasyndaǵy qonaq úı qurylysy toqtady. Sebebi, merdiger «Toomemäe Kinnisvara» fırmasy kásiporyn óz shyǵynyn óteı almaıdy dep esepteıdi. Óıtkeni, bir jarym jyldan keıin úkimet týrızm salasyndaǵy salyqty eki esege deıin ulǵaıtpaq. Estonııanyń qonaq úıler men meıramhanalar odaǵynyń ókili Vernı Loodmaanyń sózine qaraǵanda, mundaı jaǵdaıda óńirlerdegi kásiporyndar zardap shegedi. «Tallınnde ornalaspaǵan kásiporyndar zardap shegedi. Aımaqtarda jaǵdaı kúrdelenedi. Ol jerlerde mundaı bıznespen aınalysý múmkin bolmaıdy», - dedi Loodmaa.
