Salyqtyq jeńildikter bolmasa problema da bolmaıdy - Memlekettik kirister komıteti

ASTANA. QazAqparat -Qazirgi ýaqytta talqylanyp jatqan jańa Salyq kodeksinde jekelegen azamattar men bızneske jeńildikter qarastyrylǵan. Bul týraly búgin  Ortalyq kommýnıkatsııalar qyzmetindegi baspasóz máslıhatynda QR QM Memlekettik kirister komıteti tóraǵasynyń orynbasary Arǵyn Qypshaqov aıtty, dep habarlaıdy QazAqparat.

«Salyqtyq ákimshilendirý - memlekettik basqarý is-áreketterinde kóbirek baıqalatyn áleýmettik sala. Eger salyqtyq ákimshilendirýde kemshilikter bolsa, ol bıýdjetke túsetin salyqtar túsiminiń birden tómendeýine, salyqtyq quqyq buzýshylyqtardyń kóbeıýine ákelip soǵady. Aqyr aıaǵynda ol zeınetaqynyń, muǵalimder, dárigerler men basqalardyń eńbekaqysynyń merziminde tólenbeýine alyp keledi», - dep atap ótti ol.

Sonymen qatar ol memleket tarapynan bıznesti qoldaýǵa baǵyttalǵan salyqtyq ákimshilendirýdi jetildirý máselelerine toqtaldy.

«Jeńildikter berý máselesi Ulttyq ekonomıka mınıstrliginiń quziretine jatady. Degenmen, aǵymdaǵy jyly biz jekelegen jeńildikterdi alyp tastaǵanymyzdy, biraq olar jańa salyq kodeksinde bar ekendigin aıtqym keledi. Bul Dúnıejúzilik saýda uıymyna kirýmen baılanysty jaıt. «Atameken» Ulttyq kásipkerler palatasymen kelisim bar», - degen tóraǵa orynbasary, Salyq kodeksi jobasy jyldyń sońyna deıin qaralatyndyǵyn basa aıtty.

A.Qypshaqov Memlekettik kirister komıteti jeńildikterden arylǵysy keletindigin atap ótti.

«Eger olar bolmasa, onda alaıaqtyqqa salýny problemasy bolmaıtyndyǵyn, bári birdeı tóleıtindigin tájirıbe kórsetip otyr. Az bolsa da birdeı bolǵany jaqsy. Biraq, jeńildikterdi qajet etetin azamattardyń, bıznestiń  bar ekendigin túsinemiz. Sondyqtan Ulttyq kásipkerler palatasymen birlesip, muny tyńǵylyqty taldaımyz. ıAǵnı, tıimsiz jeńildikterdi alyp tastaýdy qarastyramyz», - dedi ol.