Salyqtyq jáne kedendik qyzmet túrlerin mobıldi qosymshalar arqyly alýǵa bolady
Memlekettik kirister komıtetiniń málimetinshe, budan basqa, birqatar memlekettik qyzmetter men elektrondy servıster e-Salyq Azamat jáne e-Salyq Business mobıldi qosymshalarynda bar.
Búginde memlekettik qyzmetterdi onlaın formatta alý múmkindigi qoǵamda oń pikir qalyptastyrdy.
Elektrondyq formatqa kóshken 39 memlekettik qyzmettiń kelesi 15-i eGov mobile jáne eGov Business mobıldi qosymshalarynda qoljetimdi: dara kásipkerdiń mártebesin tekserý, salyq eseptiligin qaraý jáne salyqtardy tóleý, dara kásipker retinde qyzmettiń bastalǵany týraly habarlama, jekelegen qyzmet túrlerin júzege asyratyn salyq tóleýshi retinde qyzmettiń bastalǵany jáne toqtatylǵany týraly habarlama jáne basqalar.
Sonymen qatar, 2023 jyldan bastap memlekettik mekemeler men kvazımemlekettik sektor sýbektileriniń qyzmetkerleri men olardyń jubaılary kiretin jalpyǵa birdeı deklaratsııalaýdyń ekinshi kezeńi sheńberinde eGov mobile-da 250.00 nysanyndaǵy deklaratsııany usyný qyzmeti iske qosyldy.
Sonymen qatar, salyq tóleýshilerdiń salyq mindettemelerin oryndaýyn jeńildetý úshin 11 servıs jáne 2 memlekettik qyzmet jumys isteıtin e-Salyq Azamat jáne e-Salyq Business arnaıy mobıldi qosymshalary jumys isteıdi.
Kásipkerlerge yńǵaıly bolý úshin Homebank jáne Kaspi.kz qosymshylarynda 910.00 nysany boıynsha salyq eseptiligin usyný, sondaı-aq dara kásipkerdi tirkeý, dara kásipkerdiń derektemelerin ózgertý, salyqtar boıynsha boryshtar, kólik jáne múlik salyǵy, dara kásipker úshin tólemder jáne t. b. sııaqty servıster qosylǵan.
Budan bólek, «Bıýdjetpen, sondaı-aq áleýmettik tólemder boıynsha esep aıyrysýlardyń jaı-kúıi týraly derbes shottan úzindi kóshirmeler berý» jáne «Memlekettik kirister organdarynda esepke alý júrgiziletin bereshektiń joq (bar) ekendigi týraly málimetterdi usyný» qyzmetteri, sondaı-aq keıbir servıster Smart Bridge-ge jáne kgd.gov.kz Komıtet portalyna shyǵaryldy.
Memlekettik kirister organdary jeke jáne zańdy tulǵalarǵa 43 memlekettik qyzmet túrin kórsetedi, onyń 26-sy salyqtyq, 17-si kedendik baǵyttaǵy qyzmetter. Búgingi tańda 43 memlekettik qyzmettiń 39-y (nemese 91%) elektrondyq formatqa aýystyryldy.
