Salyqtyq raqymshylyq zańnamasyna ózgerister engiziledi
Bul týraly QR Memlekettik kirister komıteti tóraǵasynyń orynbasary Jaıdar Іńkárbaev málim etti, dep habarlaıdy QazAqparat tilshisi.
«QR Tuńǵysh Prezıdenti Nursultan Nazarbaev elimizde shaǵyn jáne orta bıznes sýbektileri úshin negizgi salyq somasyn tólegen jaǵdaıda ústindegi ósimpul men aıyppuldy alyp tastaýdy, ıaǵnı raqymshylyq jasaýdy tapsyrǵan bolatyn. Sebebi ótken jyldyń 1 qazanyndaǵy jaǵdaı boıynsha elimizde 90 077 shaǵyn jáne orta bıznes sýbektisiniń 210,4 mlrd teńge kólemindegi ótelmegen salyqtyq bereshegi bolǵan. Bul somanyń ósimpuly - 122,9 mlrd teńgeni qurasa, odan bólek 7,4 mlrd teńgeni quraıtyn aıyppul bar. Búginde olardyń 37 644-i óz bereshegin ótedi. Demek 2,0 mlrd teńge kólemindegi ósimpul men 99,0 mln teńgeni quraıtyn aıyppul salyqtyq raqymshylyqqa ilindi», - dedi J. Іńkárbaev.
Sondaı-aq, komıtet basshysynyń orynbasary salyqtyq raqymshylyqqa qatysty zańnamaǵa ózgerister engizilgenin aıtyp ótti.
«Ústimizdegi jyldyń 30 qańtarynda ótken Úkimet otyrysynda Elbasy jeke tulǵalarǵa arnalǵan salyqtyq amnıstııa jarııalaýdy tapsyrǵan bolatyn. Osy oraıda QR Qarjy mınıstrligi salyqtyq raqymshylyq zańnamasyn qaıta qarap, tıisti ózgerister men tolyqtyrýlardy engizdi. Qazirgi ýaqytta atalǵan zańnama Parlamenttiń qaraýynda jatyr. Zań qabyldanǵan jaǵdaıda jalpy somasy 13,9 mlrd teńge memleketke bereshegi bar 1,4 mln adam salyqtyq raqymshylyqqa ilinedi. ıAǵnı salyq tóleýshiler 6,3 mlrd teńgeni quraıtyn ósippul men aıyppuldy tólemeıdi», - dedi ol.
Aıta ketsek, buǵan deıin memlekettik kirister komıteti salyq tóleýde eń joǵary kórsetkish qaı salaǵa tıesili ekendigi jóninde málimdeme jasaǵan bolatyn.
Odan bólek, J. Іńkárbaev óz baıandamasynda salyq tóleýde elimizdegi eń belsendi aımaqtardy atap berdi.