Salyqtyq boryshkerler tiziminiń jarııalanýy: Qazaqstandyqtar qaryzdaryn tóleı bastady
Memlekettik kirister komıteti salyq boıynsha bereshegi bar azamattar tiziminin turaqty negizde jarııalap keledi. Eske salsaq, bıylǵy 30 qyrkúıekte jarııalanǵan tizimde 100 azamattyń jalpy qaryzy 286 mln 19 myń 395 teńgeni quraǵan bolatyn.
Negizgi qaryz somasyn ótegen azamattar salyqtyq raqymshylyq múmkindikterin paıdalana aldy – olardyń ósimpuldary esepten shyǵaryldy.
Osylaısha, Nur-Sultan qalasynyń turǵyny Darhan Rysbekov jer salyǵy boıynsha qaryzynyń 3 mln 193 myń 76 teńge kólemindegi negizgi somasyn ótep, 4 mln 6 myń 869 teńge somasyndaǵy ósimpuly alynyp tastaldy.
«Sondaı-aq, Qostanaı oblysynyń turǵyny Marat Davletshın de salyqtyq raqymshylyq múmkindikterin paıdala aldy. Ol kólik salyǵy boıynsha 408 myń 399 teńge somasyndaǵy negizgi qaryzyn ótegen soń, 421 myń 399 teńge ósimpuly keshirildi», - dedi komıtetten.
Taratylǵan aqparatqa sáıkes, 8 adamnyń ótelgen salyq qaryzdyranyń jalpy somasy 10 mln 512 myń 137 teńgeni qurady (negizgi borysh – 5 480 181 teńge, ósimpul – 5 031 956 teńge).
Jalpy, qazirgi ýaqytta el boıynsha barlyǵy 370 970 adam salyqtyq raqymshylyqty paıdalana aldy. Olar 8 mlrd 737 mln 600 myń teńge negizgi borysh somasyn ótep, 1 mlrd 700 mln teńge ósimpul esepten shyǵaryldy.
Qazaqstanda salyqtyq raqymshylyq bıylǵy 31 jeltoqsanǵa deıin (qosa alǵanda) jalǵasady. ıAǵnı, negizgi borysh somasyn tólegen azamattardyń ósimpuly esepten shyǵarylady.
Múlik, jer, kólik salyǵy boıynsha bereshegi bar azamattardyń tizimderin kelesi siltemeler boıynsha kórýge bolady:
https://kgd.gov.kz/sites/default/files/pr_-_100_zadolzhnikov_spisok.docx
https://kgd.gov.kz/sites/default/files/dolzhniki_krup_summy_2.xlsx
Qazaqstandyqtar boryshtarynyń bar-joǵyn Memlekettik kirister komıtetiniń saıtynan teksere alady.
