Salyqtyq amnıstııadan respýblıkalyq bıýdjet 184,7 mlrd teńge joǵaltady - D. Nazarbaeva
Jalpy otyrysta salyq salý máselelerine qatysty ózgerister engizilgen zań jobasy talqylanǵan bolatyn. Ondaǵy basty erekshelik - 2014 jylǵy 1 qazanǵa deıingi salyq tóleýshilerdiń jeke shottarynda esepte turǵan tólenbegen ósimpuldar men aıyppuldarǵa salyqtyq amnıstııa júrgizý usynylady.
Osyǵan oraı, Májilis vıtse-spıkeri Darıǵa Nazarbaeva salyqtyq amnıstııa boıynsha qaryzdardy syzyp tastaý nátıjesinde respýblıkalyq bıýdjet 50 mlrd, al jergilikti bıýdjet 1 mlrd teńge joǵaltqanyn aıtyp, 2014 jylǵy 1 qazanǵa deıin eseptelgen jáne tólenbegen salyqtar somasyn surady.
«Ósimpuldardy da syzyp tastaýdy usynyp otyrsyz. 2014 jylǵy 1 mamyrdaǵy ósimpuldar boıynsha qaryzdar somasy 144,1 mlrd teńgeni quraǵan edi. Olardyń ishinde respýblıkalyq bıýdjet 134,7 mlrd teńge, jergilikti bıýdjettegi qaryz 9,4 mlrd teńge bolatyn. Al ósimpuldardyń 1 qazanǵa deıingi somasy neshe boldy?» - dep surady vıtse-spıker Ulttyq ekonomıka mınıstrinen. Darıǵa Nazarbaevanyń aıtýynsha, salyqqa qatysty ózgerister qabyldansa, respýblıkalyq bıýdjet 184,7 mlrd teńgeden, al jergilikti bıýdjet 10,4 mlrd teńgeden qaǵylady.
Óz kezeginde mınıstr Erbolat Dosaev salyqtyq ósimpuldar boıynsha 2014 jyldyń 1 qyrkúıegine deıingi kezeń boıynsha málimetterge toqtaldy. «Salyq boıynsha tólenbegen aıyppuldar mólsheri 1 qyrkúıekte 51 mlrd teńgeni quraıdy, al 144 mlrd teńge bul ósimpuldar (penııa). Osylaısha, 1 qyrkúıek boıynsha barlyq soma 191 mlrd teńge shamasynda. Al qaı kompanııanyń qansha qaryz ekenin salyq organdary boıynsha tizimmen qarap anyqtaýǵa bolady», - dedi E. Dosaev.