Salyqty jergilikti organǵa berý emes, salyq bazasyn keńeıtý máselesi ózekti - E. Dosaev
ASTANA. QazAqparat - Búgingi tańda jergilikti deńgeıge salyqty berý týraly másele turǵan joq, salyq bazasyn keńeıtý ózekti bolyp otyr. Senattyń jalpy otyrysynda «Qazaqstan Respýblıkasynyń keıbir zańnamalyq aktilerine memlekettik basqarý deńgeıleri arasyndaǵy ókilettikterdiń arajigin ajyratý máseleleri boıynsha ózgerister men tolyqtyrýlar engizý týraly» zań jobasyn talqylaý barysynda Ulttyq ekonomıka mınıstri Erbolat Dosaev osylaı málim etti.
Mınıstrdiń sózine qaraǵanda, eger búgingi kúni tutastaı korporatıvtik tabys salyǵyn jergilikti organdarǵa qaldyrsa, olardyń transferti kez kelgen salyqtan asyp túsedi. «Sondyqtan da, búgingi kúni bizdiń aldymyzda salyq bazasyn keńeıtý týraly másele tur. Bunyń ózi shaǵyn jáne orta bıznesti damytý, salyq tóleýshilerdiń qataryn arttyrý degen máselelerdi de tutastaı qamtymaq», - dedi mınıstr.
Onyń aıtýynsha, qazirgi tańda salyqtyń barlyq túrleri boıynsha túsimder qubylmaly bolyp otyr. Máselen, túrli sebepterge oraı, aǵymdaǵy jyly 240 mlrd teńge shamasyndaǵy qarajat «joǵalǵan».
«ıAǵnı, eger sýbventsııalyq aýdandarǵa olardan túsetin barlyq salyq túrlerin qaldyrsaq, bul jergilikti atqarýshy organdar úshin salyqtyq bazanyń turaqtylyǵyna kepil bolady degen sóz. Óıtkeni, dotatsııalyq bıýdjetter qurylymynda tek 30-35 paıyzy ǵana salyq esebinen qamtylady», - deıdi mınıstr.
Eske sala keteıik, zań jobasy QR Prezıdentiniń memlekettik basqarý deńgeıleri arasyndaǵy fýnktsııalardyń arajigin ajyratý jónindegi negizgi qaǵıdattary men tásilderin iske asyrýǵa baǵyttalǵan.
