Salyqty «e-úkimet» portaly men «salyq tóleýshiniń kabıneti» arqyly tóleýde bıýdjetke 10 mln. teńgege jýyq qarjy tústi
TANA. 14 qarasha. QazAqparat - www.egov.kz portaly arqyly qazaqstandyqtar kólikke, múlikke jáne jer telimine salyqty onlaın rejıminde tóleı alady.
Ótken 10 aı ishinde «elektrondyq úkimet» portaly men «salyq tóleýshiniń kabınetin» qoldanýshylar 10 mln teńgege jýyq salyqty ınternet arqyly tóledi, dep habarlady QR Baılanys jáne aqparat mınıstrliginiń baspasóz qyzmetinen.
«Elektrondyq úkimet» portalynda salyq tóleýden ózge, jeke jáne zańdy tulǵalar salyq tóleýshiniń salyqtyq bereshegi joq (bar) týraly, Qazaqstan Respýblıkasy boıynsha mindetti zeınetaqy jarnalary men áleýmettik aýdarymdar boıynsha beresheginiń joq (bar) ekendigi týraly anyqtamalardy ala alady. Ol úshin qoldanýshynyń portalda tirkelýi jáne elektrondyq tsıfrlyq qoltańbaǵa ıe bolýy mindetti.
Anyqtama alý týraly ótinimdi toltyrý barysynda qoldanýshy ózine qajetti qujatty tańdaıdy. Nesıe alý nemese zeınetaqy tólemin taǵaıyndaý, tenderge qatysý úshin ótinim berýshi «bereshek qaryzy bar nemese joq» ekendigi týraly anyqtamanyń birinshi túrin tańdaý qajet.
Al, basqa elge turaqty qonys aýdaryp ketý úshin, zańdy tulǵanyń turaqty mekemesiniń ne qurylymdyq bólimshesiniń óz qyzmetin toqtatýy nemese joıylýy týraly anyqtama alý úshin «bereshek qaryzy bar nemese joq» ekendigi týraly anyqtamanyń ekinshi túrin tańdaýy kerek.
«Salyq organy» bóliminde ótinim berýshi salyq tóleýshiniń tirkeý nómiri (STN) berilgen organdy kórsetýi tıis. Salyq bereshegi týraly anyqtama «elektrondyq úkimet» portaly arqyly da ne bolmasa quzyrly organǵa tikeleı habarlasý arqyly alynǵan jaǵdaıda da tegin beriledi.
Qurylymdyq bólimsheleri joq jeke jáne zańdy tulǵalar men jeke kásipkerler daıyn anyqtamany ótinimdi bergen kúnnen bastap, úsh jumys kúninen keıin ala alady.
Qalǵan jaǵdaılarda anyqtamalar 5 jumys kúni aralyǵynda beriledi. Alynǵan elektrondyq qujattar portaldy qoldanýshynyń jeke kabınetinde, «qyzmetti alý tarıhy» bóliminde saqtalady.
Salyq kodeksine sáıkes, salyq bereshegi joqtyǵy (barlyǵy) týraly anyqtamany alýǵa ótinimdi salyq tóleýshi (salyq agenti) nemese onyń onyń qurylymdyq bólimsheleri eseptilik berý merzimin uzartpaı, salyq eseptiligin usynbaǵan jaǵdaıda anyqtama berilmeıdi.
Búgingi kúni www.egov.kz portalynda QR Qarjy mınıstrliginiń Salyq komıteti boıynsha 4 elektrondyq qyzmet usynylǵan.
