Salyqty durys tólemedi degen kúdikten Oriflame aktsııalary qulady
ASTANA. QazAqparat - RF-da shvedtik Oriflame kosmetıkasyn óndirýshilerdiń aktsııalary seısenbi kúngi saýda barysynda sońǵy 10 jyldaǵy eń tómen deńgeıge deıin tústi. Reseıdiń quqyq qorǵaý organdary Oriflame-niń Máskeýdegi enshiles kompanııasy salyq tóleýden jaltardy dep aıyptaýda.
Oriflame aktsııalary 1,22 paıyzǵa - 145,2 kronaǵa (21,23 dollar) deıin arzandaǵan.
Reseıdiń quqyq qorǵaý organdary Oriflame-nyń Máskeýdegi enshiles kompanııasy - «Orıfleım kosmetıks» JShQ kem degende 3,5 mıllıard rýbl salyq tóleýden jaltarǵan dep aıyptap otyr, dep habarlaıdy «Kommersant» gazeti.
Basylymnyń málimetteri boıynsha, ІІM, FQQ, FSQ, FKQ, Rosfınmonıtorıng pen Rospotrebnadzor «Orıfleım Kosmetıks» JShQ-da tekseris júrgizip, kompanııanyń Reseı bıýdjetine salyqty az tóleý úshin óz kirisin aıtarlyqtaı tómen qylyp kórsetkenin anyqtaǵan.
Keıin Oriflame reseılik bóliminiń salyqtyq tájirıbesiniń jergilikti jáne halyqaralyq zańnamaǵa sáıkes ekenin málimdedi.
