Salyqtan jaltaryp júrgender nesıe ala almaıdy

ALMATY. QazAqparat  - Qazaqstanda salyq tólemegen tulǵalar bankterde esepshot ashyp, nesıe rásimdeı almaıdy, dep habarlaıdy QazAqparat tilshisi Medeý aýdandyq Memlekettik kirister basqarmasyna silteme jasap.

Salyq kodeksine engizilgen tolyqtyrýlar men ózgertýlerge sáıkes bank operatsııalaryn júrgizetin  bankter men uıymdar salyqtyq boryshy nemese áleýmettik boryshy bar tulǵalarǵa esepshot ashýdan bas tartýǵa mindetteldi.

«1 shildeden bastap salyq qaryzy bar azamattar bank esepshotyn asha almaıdy. Tıisinshe aqsha aýdaryp, nesıege turmystyq tehnıka nemese aqshalaı nesıege qol jetkize almady», - delingen habarlamada.

Odan bólek olar 1 shildeden bastap jumysqa tursa, jalaqy ala almaıdy.

Sebebi, jumys berýshilerdiń kópshiligi jalaqyny bank kartasyna aýdarady.

Salyqtyq boryshtyń bar joǵyn kgd.gov.kz saıtynan nemese turǵylyqty mekenjaı boıynsha salyq organynan bilýge bolady.